Cinema para coidar a terra (II)

O sábado 7 de setembro, en Garabelos no cinema Palleiriso, celebramos unha nova xornada adicada ao medio ambiente, con obradoiros sobre ecoloxía e cinema, a segunda edición, onde agardamos contar coa presenza de Bocixa, membros das plataformas contra a minería de Touro, Teo…, Belén Veleiro, o Señor Lili e Pulpiño Viascon (e de todos e todas os que nos queirades acompañar).
Haberá música, faladoiros e conversas, xantar campestre e roteiros co lema «Cinema para coidar a terra» II.

Cinema para coidar a terra

O sábado 9 de xuño, en Garabelos no cinema Palleiriso, celebramos unha xornada adicada ao medio ambiente, con obradoiros sobre ecoloxía e cinema, onde agardamos contar coa presenza de Servando Barreiro e Manuel Valcárcel (e de todos e todas os que nos queirades acompañar).
Haberá música, faladoiros e conversas, xantar temático e roteiros co lema «Cinema para coidar a terra».

Deseguido tedes a programación prevista para este día:

Inauguración do cinema Palleiriso

Esta é unha aposta polo cinema no rural. Sabemos que estamos nunha situación realmente dramática. Desapareceron practicamente tódalas salas de cine de localidades de menos de 10.000 habitantes, pode quedar algunha. O que queremos é dinamizar culturalmente este concello, esta comarca a través da montaxe nun vello palleiro dun cinema ao xeito antigo.

Estamos en Garabelos, unha aldea moi preto a Chantada, onde chegou a haber até oito salas.
Hoxe, para ver unha película na gran pantalla, os veciños teñen que facer máis de sesenta quilómetros.
Esta sala é máis humilde, pero con moito encanto. Algunha das cadeiras supera os sesenta anos.
A primeira proxección terá lugar o 28 de xuño e os filmes podéranse ver de balde.

Ademáis, faremos un «Encontro de Cineclubes» en colaboración coa Federación de Cineclubes de Galicia «Feciga», que precisamente celebra connosco o seu trinta aniversario, este é programa de actos que temos pensado desenvolver para tan magno día…

Enderezo e Localización do cineclube

Cineclube

Os Papeiros

Av. Portugal 16

27500 Chantada (Lugo)

Galicia

 
 

Ver Localización do cineclube Os Papeiros nun mapa máis grande
Consultar outras localizacións de proxección

 
 

 cineclubeospapeiros.blogspot.com
 ir.gl/pap
 O enderezo do correo electrónico amósase de dereita cara á esquerda, unha técnica para evitar que os robots rastrexen e recolecten o enderezo do correo, deste xeito intentamos protexernos do SPAM. Preme neste ligazón para ver o enderezo correctamente moc.liamg@soriepapsoebulcenic
 +(34) 648 075 831

 
 

•       «Semana de cinema»
  Cinema ao ar libre - Praza do Cantón - 27500 Chantada (Lugo)

 No mes de agosto, semana de luns a xoves as 22:15  h. (CEST)
de balde